(நமது நிருபர்)
பல்கலைகழகங்களுக்குள் போதைப் பொருட்கள் கொண்டு வருவதைத் தடுப்பதற்காக பொலிஸாருடன் இணைந்து விசேட வேலைத்திட்டம் ஒன்று முன்னெடுக்கப்படவுள்ளதாக கல்வி மற்றும் உயர் கல்வி பிரதி அமைச்சர் கலாநிதி மதுர செனவிரத்ன தெரிவித்துள்ளார்.
இது தொடர்பாக கல்வி அமைச்சர் மற்றும் பிரதமர் கலாநிதி ஹரிணி அமரசூரியவுடன் கலந்துரையாடல்கள் முன்னெடுக்கப்பட்டுள்ளதாகவும் அவர் குறிப்பிட்டார்.
குறித்த கலந்துரையாடலின் போது வெளிநபர்கள் பல்கலைகழகங்களுக்குள் போதைப் பொருட்களைக் கொண்டுவருவதாக எழுந்துள்ள முறைப்பாடுகள் தொடர்பில் கவனம் செலுத்தப்பட்டுள்ளது.
மேலும் கண்டறிக
இந்த விடயம் தொடர்பாக விசேட கவனம் செலுத்தப்படவுள்ளதாக தெரிவித்த அமைச்சர் இவ்வாறான சம்பவங்களைத் தடுப்பதற்கு பொலிஸாருடன் ஒருங்கிணைந்து விசேட வேலைத்திட்டமொன்று தயாரிக்கப்படும் என்றும் தெரிவித்துள்ளார்.
