கடும் மின்னல் தாக்கம் தொடர்பில் எச்சரிக்கை

#breaking#srilanka news#trading#updates

கடும் மின்னல் தாக்கம் தொடர்பில் எச்சரிக்கை

Zameera   November 11, 2026

 

நாடு முழுவதும் பல பகுதிகளில் கடுமையான மின்னல் தாக்கம் ஏற்படக்கூடும் என வளிமண்டலவியல் திணைக்களம் 'அம்பர்' (Amber) எச்சரிக்கையை விடுத்துள்ளது.

இந்த எச்சரிக்கையின்படி, இன்று (11) 22 மாவட்டங்களில் பல இடங்களில் இடியுடன் கூடிய மழையும், அதனுடன் கடுமையான மின்னல் தாக்கமும் ஏற்பட வாய்ப்புள்ளது.

குறிப்பாக மாலை மற்றும் இரவு நேரங்களில், இடியுடன் கூடிய மழையின் போது மின்னல் தாக்கம் தீவிரமடைய அதிக வாய்ப்புள்ளது.

மேல், சபரகமுவ, மத்திய, தென் மற்றும் ஊவா மாகாணங்களின் சில பகுதிகளில் 100 மில்லிமீட்டருக்கும் அதிகமான பலத்த மழை பெய்யக்கூடும்.

மேலும், இடியுடன் கூடிய மழையின் போது, ​​கடல் பகுதிகளில் தற்காலிகமாக மணிக்கு 60 முதல் 70 கிலோமீட்டர் வேகத்தில் பலத்த காற்று வீசக்கூடும் என்றும், கடல் மிகவும் கொந்தளிப்பாகக் காணப்படலாம் என்றும் தெரிவிக்கப்பட்டுள்ளது.

பொதுமக்கள் மிகுந்த அவதானத்துடன் இருக்குமாறும், சம்பந்தப்பட்ட அதிகாரிகளால் விடுக்கப்படும் வெள்ளம் மற்றும் மண்சரிவு தொடர்பான உத்தி

கொழும்பில் கொட்டித்தீர்க்கும் கனமழை - பல வீதிகளில் வௌ்ளம்!

கொழும்பில் கொட்டித்தீர்க்கும் கனமழை - பல வீதிகளில் வௌ்ளம்!

ShortNews   November 11, 2026

இன்று பிற்பகல் முதல் பெய்து வரும் கன மழை காரணமாக கொழும்பின் பல வீதிகள் வௌ்ளத்தில் மூழ்கியுள்ளதாக பொலிஸார் தெரிவித்துள்ளனர்.

 

அதற்கமைய சங்கராஜ மாவத்தை, கெத்தாராம சந்தி மற்றும் ஆமர் வீதி உள்ளிட்ட பல வீதிகளில் வெள்ளப்பெருக்கு ஏற்பட்டுள்ளது.

 

கன மழை காரணமாக கொழும்பின் பல முக்கிய வீதிகளில் பாரிய போக்குவரத்து நெரிசலும் ஏற்பட்டுள்ளதாக பொலிஸார் குறிப்பிடுகின்றனர்.

மூன்று மாவட்டங்களுக்கு இரண்டாம் நிலை மண்சரிவு அபாய எச்சரிக்கை!

#news#breaking#srilanka news#trading#update

மூன்று மாவட்டங்களுக்கு இரண்டாம் நிலை மண்சரிவு அபாய எச்சரிக்கை!

Zameera   November 11, 2026

 

நாட்டின் மூன்று மாவட்டங்களுக்கு இரண்டாம் நிலை மண்சரிவு அபாய முன்னெச்சரிக்கை விடுக்கப்பட்டுள்ளது.

 

அனர்த்த முகாமைத்துவ நிலையத்தின் தேசிய கட்டிட ஆராய்ச்சி நிறுவகம் இன்று (11) மாலை 4 மணிக்கு வௌியிட்டுள்ள புதுப்பிக்கப்பட்டுள்ள அறிக்கையில் தெரிவிக்கப்பட்டுள்ளது.

 

அதற்கமைய, கேகாலை, நுவரெலியா மற்றும் இரத்தினபுரி ஆகிய மாவட்டங்களுக்கே இவ்வாறு இரண்டாம் நிலை மண்சரிவு அபாய முன்னெச்சரிக்கை விடுக்கப்பட்டுள்ளது.

 

கேகாலை மாவட்டத்தின் அரநாயக்க, தெஹியோவிட்ட, மாவனெல்லை மற்றும் தெரணியகல ஆகிய பிரதேச செயலாளர் பிரிவுகளுக்கும்,

 

நுவரெலியா மாவட்டத்தின் அம்பகமுவ கோரள, நீல்தன்டாஹின்ன மற்றும் வலப்பனை ஆகிய பிரதேச செயலாளர் பிரிவுகளுக்கும்.

 

இரத்தினபுரி மாவட்டத்தின் எலபாத்த, எஹலியகொட, வெலிகேபொல மற்றும் அயகம ஆகிய பிரதேச செயலாளர் பிரிவுகளுக்கே இரண்டாம் நிலை மண்டசரிவு அபாய முன்னெச்சரிக்கை விடுக்கப்பட்டுள்ளது.

 

இந்த மண்சரிவு அபாய முன்னெச்சரிக்கை நாளை வரை அமுலில் இருக்கும் என அறிவிக்கப்பட்டுள்ளது.

 

27ஆவது ஊடக விருது விழாவில் விருதுகளை வென்ற முஸ்லிம் ஊடகவியளாளர்கள்!

27ஆவது ஊடக விருது விழாவில் விருதுகளை வென்ற முஸ்லிம் ஊடகவியளாளர்கள்!

SHAHNI RAMEES   November 11, 2026

இலங்கை பத்திரிகை ஆசிரியர் சங்கம் (The Editors' Guild of Sri Lanka)

கொத்மலை காமினி திஸாநாயக்க நீர்த்தேக்கத்தின் வான் கதவுகள் திறப்பு!

#new#news#update#newupdate#srilanka

கொத்மலை காமினி திஸாநாயக்க நீர்த்தேக்கத்தின் வான் கதவுகள் திறப்பு!

Zameera   November 11, 2026

 

தற்பொழுது பெய்துவரும் கனமழை மற்றும் நீர் வழிந்தோடும் மட்டத்தைக் கட்டுப்படுத்தும் பொருட்டு, கொத்மலையில் காமினி திஸாநாயக்க நீர்த்தேக்கத்தின் மூன்று வான் கதவுகள் இன்று(11) திறந்துவிடப்பட்டுள்ளன.

தொடர் மழையின் காரணமாக நீர்த்தேக்கத்தின் நீர் அவ்வப்பொழுது திறந்துவிடப்படும் ஆகவே , மாவத்துறை, உலப்பனை, கம்பளை, கெலிஓயா, பேராதனை போன்ற தாழ்நிலைப் பகுதி மக்களை எச்சரிக்கையாக இருக்குமாறு நீர்த்தேக்கத்திற்கு பொறுப்பான பொறியியளளார் சத்துர அரும்பொல அறிவுறுத்தியுள்ளார்.

டிட்வா புயலின் போது, ​​நீரை கட்டுப்படுத்த முடியாதபடியால் நீர் வழிந்தோடும் வாயில்கள் திடீரென திறக்கப்பட்டதால், கம்பளை , கெலிஓயா மற்றும் பேராதனை நகரங்கள் முழுவதுமாக நீரில் மூழ்கி பெரும் அழிவை ஏற்படுத்தின. இதுபோன்ற சம்பவங்கள் நிகழாமல் இருக்கேவே இந்த சூழ்நிலையில், அவசரகால நடவடிக்கைகள் எடுக்கப்பட்டுள்ளதாகவும் அவர் தெரிவித்தார்.

(ரா.சேகர்)

5 மாகாணங்களில் 100மிமீ பலத்த மழைக்கு வாய்ப்பு!

5 மாகாணங்களில் 100மிமீ பலத்த மழைக்கு வாய்ப்பு!

ShortNews   November 11, 2026

வடக்கு மாகாணத்திலும் திருகோணமலை மாவட்டத்திலும் அவ்வப்போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுவதாக வளிமண்டலவியல் திணைக்களம் எதிர்வுகூறியுள்ளது.

நாட்டின் ஏனைய பகுதிகளில் பி.ப. 1.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம்  உள்ளதாக அத்திணைக்களம் குறிப்பிட்டுள்ளது.

மேல், சப்ரகமுவ, மத்திய, தென் மற்றும் ஊவா மாகாணங்களில் சில இடங்களில் 100 மி.மீ க்கும் அதிகமான பலத்த மழைவீழ்ச்சி எதிர்பார்க்கப்படுகின்றது.

இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக வீசக் கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்பட்டுள்ளனர்.

மேல், சப்ரகமுவ, மத்திய மற்றும் ஊவா மாகாணங்களிலும் காலி, மாத்தறை மற்றும் குருநாகல் மாவட்டங்களிலும் சில இடங்களில் அதிகாலை வேளையில் பனிமூட்டமான நிலை காணப்படும் என எதிர்பார்க்கப்படுகின்றது.

பங்களாதேஷில் அரசியல் பதற்றம்!

#breaking#srilanka news#trading#updates

பங்களாதேஷில் அரசியல் பதற்றம்!

Zameera   November 11, 2026

 

பங்களாதேஷில் அரசியல் பதற்றம் அதிகரித்துள்ள நிலையில், தலைநகர் டாக்கா உள்ளிட்ட பல்வேறு பகுதிகளில் 50க்கும் மேற்பட்ட இடங்களில் நாட்டு வெடிகுண்டுத் தாக்குதல்கள் இடம்பெற்றுள்ளதாக சர்வதேச ஊடகங்கள் செய்தி வெளியிட்டுள்ளன.

இதன்போது பல பேருந்துகள் உள்ளிட்ட வாகனங்கள் தீக்கிரையாக்கப்பட்டுள்ளதுடன், உயிரிழப்புகளும் காயங்களும் ஏற்பட்டுள்ளன. 

சம்பவங்கள் தொடர்பாக பலர் கைது செய்யப்பட்டுள்ளதுடன், வெடிகுண்டுகளும் மீட்கப்பட்டுள்ளன. 

இந்த தாக்குதல்களின் பின்னணியில் முன்னாள் பிரதமர் ஷேக் ஹசீனாவின் அவாமி லீக் கட்சி ஆதரவாளர்கள் இருப்பதாகக் குற்றச்சாட்டுகள் முன்வைக்கப்பட்டுள்ளன. 

எனினும், அனைத்துத் தாக்குதல்களுக்கும் ஹசீனா ஆதரவாளர்களே காரணம் என்பது இதுவரை முழுமையாக உறுதிப்படுத்தப்படவில்லை. இதற்கிடையில், பங்களாதேஷ் முழுவதும் பாதுகாப்பு நடவடிக்கைகள் தீவிரப்படுத்தப்பட்டுள்ளன.

ஐஸ் மற்றும் குஷ் போதைப்பொருட்களுடன் ஒருவர் கைது

#breaking#srilanka news#trading#updates

ஐஸ் மற்றும் குஷ் போதைப்பொருட்களுடன் ஒருவர் கைது

Zameera   November 11, 2026

 

ஐஸ் மற்றும் குஷ் போதைப்பொருட்களுடன் நபர் ஒருவர் காலி மாவட்ட குற்றத்தடுப்புப் பிரிவினரால் கைது செய்யப்பட்டுள்ளார்.

 

இவ்வாறு கைது செய்யப்பட்டவர் உனவட்டுன பகுதியைச் சேர்ந்த 41 வயதுடையவராவார்.

 

குறித்த பிரிவின் அதிகாரிகளுக்குக் கிடைத்த தகவலுக்கு அமைய, உனவட்டுனபகுதியில் மேற்கொள்ளப்பட்ட சோதனையின்போதே இந்தப் போதைப்பொருட்கள் கைப்பற்றப்பட்டதாக பொலிஸார் தெரிவித்தனர்.

 

சந்தேகநபரிடமிருந்து 134 கிராமிற்கும் அதிகமான ஐஸ் போதைப்பொருளும் 125 கிராமிற்கும் அதிகமான குஷ் போதைப்பொருளும் கைப்பற்றப்பட்டுள்ளதாகக் தெரிவிக்கப்படுகிறது.

ஹிருணிகாவின் மேன்முறையீட்டை விசாரிக்க மூவரடங்கிய நீதியரசர்கள் குழாம் நியமனம்!

#breaking#srilanka news#trading#updates

ஹிருணிகாவின் மேன்முறையீட்டை விசாரிக்க மூவரடங்கிய நீதியரசர்கள் குழாம் நியமனம்!

Zameera   November 11, 2026

 

சிறைத்தண்டனைக்கு எதிராக முன்னாள் பாராளுமன்ற உறுப்பினர் ஹிருணிகா பிரேமச்சந்திரவினால் சமர்ப்பிக்கப்பட்டுள்ள மேன்முறையீட்டை விசாரிப்பதற்காக, மேன்முறையீட்டு நீதிமன்றத்தின் தலைமை நீதியரசரினால் மூவரடங்கிய நீதியரசர்கள் குழாம் நியமிக்கவுள்ளது.

 

குறித்த மேன்முறையீடு தொடர்பில் தீர்ப்பு வழங்குவதில் நீதியரசர்கள் மத்தியில் கருத்து வேறுபாடு ஏற்பட்டதை அடுத்து, மேலதிக நடவடிக்கைகளுக்காக அது மேன்முறையீட்டு நீதிமன்ற தலைமை நீதியரசரிடம் அனுப்பி வைக்கப்பட்டது.

 

இதற்கமைய, இந்த மேன்முறையீடு இன்று (11) மேன்முறையீட்டு நீதிமன்றத்தின் தலைமை நீதியரசர் ரொஹாந்த அபேசூரிய முன்னிலையில் அழைக்கப்பட்டது.

 

இதன்போது, மேன்முறையீட்டை விசாரிப்பதற்காக தலைமை நீதியரசர் ரொஹாந்த அபேசூரிய, பி. குமாரன் ரத்னம் மற்றும் பிரதீப் ஹெட்டியாராச்சி ஆகியோ அடங்கிய மூவரடங்கிய நீதியரசர்கள் குழாம் நியமிக்கப்பட்டுள்ளது.

 

அதன்படி, குறித்த மேன்முறையீடு ஜனவரி 21ஆம் திகதி அந்த நீதியரசர்கள் குழாம் முன்னிலையில் விசாரணைக்கு எடுத்துக்கொள்ளப்படவுள்ளதாகவும் நீதிமன்றம் தீர்மானித்துள்ளது.

 

2015ஆம் ஆண்டு டிசம்பர் 21ஆம் திகதி இளைஞர் ஒருவர் டிஃபென்டர் ரக வாகனத்தில் கடத்தப்பட்டு, சட்டவிரோதமாக தடுத்து வைத்துத் தாக்கப்பட்டமை உள்ளிட்ட குற்றச்சாட்டுக்களுக்கு ஹிருணிகா பிரேமச்சந்திரவை குற்றவாளியாகக் கொழும்பு மேல் நீதிமன்றம் தீர்ப்பளித்து, அவருக்கு மூன்று வருட கடூழிய சிறைத்தண்டனையும் அபராதமும் விதித்திருந்தது.

 

குறித்த தண்டனையிலிருந்து தன்னை விடுவிக்குமாறு கோரி அவர் இந்த மேன்முறையீட்டைச் சமர்ப்பித்துள்ளார்.

ஷிரான் பாசிக் உள்ளிட்ட மூவருக்கு எதிரான வழக்கு ஒத்திவைப்பு!

#news#breaking#srilanka news#trading#update

ஷிரான் பாசிக் உள்ளிட்ட மூவருக்கு எதிரான வழக்கு ஒத்திவைப்பு!

Zameera   November 11, 2026

 

கொக்கேய்ன் போதைப்பொருளை தம்வசம் வைத்திருந்தமை தொடர்பில் கைது செய்யப்பட்டு விளக்கமறியலில் வைக்கப்பட்டுள்ள பாரிய போதைப்பொருள் கடத்தல்காரர் எனக் கூறப்படும் ஷிரான் பாசிக் உள்ளிட்ட மூன்று பிரதிவாதிகளுக்கு எதிராகத் தாக்கல் செய்யப்பட்டுள்ள வழக்கினை, முதற்கட்ட விசாரணைக்கு முன்னரான மாநாட்டிற்காக ஜனவரி 25ஆம் திகதி அழைக்குமாறு கொழும்பு மேல் நீதிமன்றம் உத்தரவிட்டுள்ளது.

 

இந்த வழக்கு இன்று (11) கொழும்பு மேல் நீதிமன்ற நீதிபதி நயோமி விக்கிரமசேகர முன்னிலையில் எடுத்துக்கொள்ளப்பட்டது.

 

இதன்போது முன்வைக்கப்பட்ட கருத்துக்களை பரிசீலித்த நீதிபதி, இந்த வழக்கினை மேலதிக முதற்கட்ட விசாரணை மாநாட்டிற்காக ஜனவரி 25ஆம் திகதிக்கு ஒத்திவைத்து உத்தரவிட்டார்.

 

1,200 கிராமிற்கும் அதிகமான கொக்கேய்ன் போதைப்பொருளை வசம் வைத்திருந்தமை மற்றும் கடத்தியமை தொடர்பில் இந்த பிரதிவாதிகளுக்கு எதிராக சட்டமா அதிபரினால் கொழும்பு மேல் நீதிமன்றத்தில் வழக்குத் தாக்கல் செய்யப்பட்டுள்ளது.

ரணிலுக்கு எதிரான வழக்கு டிசம்பர் 9ஆம் திகதி விசாரணைக்கு!

#breaking#srilanka news#trading#updates

ரணிலுக்கு எதிரான வழக்கு டிசம்பர் 9ஆம் திகதி விசாரணைக்கு!

Zameera   November 11, 2026

 

முன்னாள் ஜனாதிபதி ரணில் விக்கிரமசிங்கவிற்கு எதிராக குற்றப்புலனாய்வுத் திணைக்களத்தினால் தாக்கல் செய்யப்பட்டுள்ள வழக்கை எதிர்வரும் டிசம்பர் மாதம் 9ஆம் திகதி அழைக்குமாறு கொழும்பு கோட்டை நீதிவான் நீதிமன்றம் உத்தரவிட்டுள்ளது.

 

முன்னாள் ஜனாதிபதி ரணில் விக்கிரமசிங்க மற்றும் முன்னாள் ஜனாதிபதியின் செயலாளர் சமன் ஏகநாயக்க ஆகியோருக்கு எதிராக பொதுச் சொத்துச் சட்டத்தின் கீழ் தாக்கல் செய்யப்பட்டுள்ள வழக்கு இன்று (11) கொழும்பு கோட்டை நீதவான் நீதிமன்றத்தில் மீண்டும் விசாரணைக்கு எடுத்துக்கொள்ளப்பட்ட போதே இந்த உத்தரவு பிறப்பிக்கப்பட்டுள்ளது.

 

2023ஆம் ஆண்டு ரணில் விக்கிரமசிங்க தனது மனைவியின் பட்டமளிப்பு விழாவில் கலந்துகொள்வதற்காக ஐக்கிய இராச்சியத்திற்கு சென்ற பயணம் தொடர்பாக 16.6 மில்லியன் ரூபாவிற்கும் அதிகமான அரசாங்கப் பணத்தை துஷ்பிரயோகம் செய்ததாக சுமத்தப்பட்டுள்ள குற்றச்சாட்டுகள் குறித்து குற்றப்புலனாய்வுத் திணைக்களத்தினால் (CID) இந்த வழக்கு தாக்கல் செய்யப்பட்டுள்ளது.

பலாங்கொட கஸ்ஸப தேரரை கைது செய்ய பிடியாணை!

#Breaking News

பலாங்கொட கஸ்ஸப தேரரை கைது செய்ய பிடியாணை!

SHAHNI RAMEES   November 11, 2026

நீதிமன்றத்தில் ஆஜராகாமையின் காரணமாக பலாங்கொட

2027ஆம் ஆண்டுக்கான வரவு செலவுத் திட்ட உரை - நாளை!

2027ஆம் ஆண்டுக்கான வரவு செலவுத் திட்ட உரை - நாளை!

ShortNews   November 11, 2026

2027ஆம் ஆண்டுக்கான நிதி ஒதுக்கீட்டுச் சட்டமூலத்தின் இரண்டாவது மதிப்பீடு (வரவுசெலவுத்திட்ட உரை) நாளைய தினம் (12) பாராளுமன்றத்தில் சமர்ப்பிக்கப்படவுள்ளது.

நிதி அமைச்சர் என்ற ரீதியில் ஜனாதிபதி அனுர குமார திசாநாயக்கவினால் 2027ஆம் ஆண்டுக்கான நிதி ஒதுக்கீட்டுச் சட்டமூலத்தின் இரண்டாவது மதிப்பீடு பாராளுமன்றத்தில் முன்வைக்கப்படவுள்ளது.

இதன் பின்னர் நிதி ஒதுக்கீட்டுச் சட்டம் தொடர்பான விவாதம் (வரவுசெலவுத்திட்ட விவாதம்) நவம்பர் 13ஆம் திகதி முதல் டிசம்பர் 14ஆம் திகதி வரை 26 நாட்கள் நடைபெறவுள்ளது.

2026 ஒக்டோபர் 7ஆம் திகதி முதலாவது மதிப்பீட்டுக்காக பாராளுமன்றத்தில் முன்வைக்கப்பட்ட 2027ஆம் ஆண்டுக்கான நிதி ஒதுக்கீட்டுச் சட்டமூலத்தின் இரண்டாவது மதிப்பீடு மீதான விவாதம் நவம்பர் 13ஆம் திகதி முதல் நவம்பர் 20ஆம் திகதி வரை 07 நாட்கள் இடம்பெறவுள்ளது. இதனைத் தொடர்ந்து நவம்பர் 10ஆம் திகதி பி.ப 6.00 மணிக்கு இரண்டாவது மதிப்பீடு மீதான வாக்கெடுப்பு இடம்பெறும்.

அதனைத் தொடர்ந்து, நவம்பர் 21ஆம் திகதி முதல் டிசம்பர் 14ஆம் திகதி வரை 19 நாட்களுக்கு குழுநிலை விவாதம் நடைபெறவிருப்பதுடன், டிசம்பர் 14ஆம் திகதி பி.ப 6.00 மணிக்கு நிதி ஒதுக்கீட்டுச் சட்டமூலத்தின் மூன்றாவது மதிப்பீடு மீதான வாக்கெடுப்பு இடம்பெறும்.

நிதி ஒதுக்கீட்டுச் சட்டமூலம் மீதான விவாதம் நடைபெறும் சகல தினங்களிலும் மு.ப 9.30 மணி முதல் மு.ப 10.00 மணி வரை நிலையியற் கட்டளை 22(1) இலிருந்து (6) வரையான பாராளுமன்ற அலுவல்களுக்கும், மு.ப. 10.00 மணி முதல்  மு.ப. 10.30 மணி வரை வாய்மூல விடைகளுக்கான 05 வினாக்களுக்காகவும், மு.ப. 10.30 மணி முதல் மு.ப. 11.00 மணி வரை பாராளுமன்ற நிலையியற் கட்டளை 27(2) இன்  கீழான ஒரு கேள்விக்காகவும் நேரம் ஒதுக்கப்படும்.

அத்துடன், மு.ப. 11.00 மணி முதல் பி.ப. 6.00 மணி வரை வரவுசெலவுத்திட்ட மீதான விவாதம் நடைபெறும். வாக்கெடுப்புகள் நடைபெறும் நவம்பர் 20 மற்றும் டிசம்பர் 14 ஆகிய இரு தினங்களைத் தவிர்ந்த ஏனைய அனைத்து தினங்களிலும், பி.ப. 6.00 மணி முதல் பி.ப. 6.30 மணி வரை சபை ஒத்திவைப்பு வேளையின் போதான பிரேரணைகள் மீதான விவாதத்திற்காகவும் நேரம் ஒதுக்கப்பட்டுள்ளது.