ஷிரந்தி ராஜபக்ஷவின் முதலாவது இதய அறுவை சிகிச்சை வெற்றி!
முன்னாள் முதற்பெண்மணியும் முன்னாள் ஜனாதிபதி
Friday, October 23, 2026
நாமல் மற்றும் ஜானகி மீண்டும் விளக்கமறியலில்!
கிரிஷ் (Krrish) கொடுக்கல் வாங்கல் சம்பவம் தொடர்பில்
நீதிமன்றத்துக்கு அழைத்துவரப்பட்டடார் நாமல் ராஜபக்ஷ!
விளக்கமறியலில் வைக்கப்பட்டிருந்த பாராளுமன்ற
ஒழுங்கமைக்கப்பட்ட குற்ற தடுப்பு சட்டமூலமானது பொலிஸாருக்கு எல்லையற்ற அதிகாரங்களை வழங்கியுள்ளது - மதுஷன் சந்திரஜித்
ஒழுங்கமைக்கப்பட்ட குற்ற தடுப்பு சட்டமூலமானது பொலிஸாருக்கு எல்லையற்ற அதிகாரங்களை வழங்கியுள்ளதுடன் ஜனநாயகத்திற்கு எதிரான நடவடிக்கை என அனைத்து பல்கலைக்கழக மாணவர் ஒன்றியத்தின் ஏற்பாட்டாளர் மதுஷன் சந்திரஜித் தெரிவித்துள்ளார்.
கொழும்பில் வியாழக்கிழமை (22) நடைப்பெற்ற ஊடகவியலாளர் சந்திப்பில் கலந்துக் கொண்டு உரையாற்றுகையிலே அவர் மேற்கண்டவாறு தெரிவித்துள்ளார்.
அவர் தொடர்ந்தும் உரையாற்றுகையில்,
கடந்த நவம்பர் 06ஆம் திகதி அரசாங்கத்தினால் பாராளுமன்றத்தில் சமர்ப்பிக்கப்பட்ட 'ஒழுங்கமைக்கப்பட்ட குற்ற தடுப்பு சட்டமூலம்' தொடர்பாக கூற வேண்டிய தேவையுள்ளது. குறித்த இந்தச் சட்டமூலம் நாட்டில் அதிகரித்து வரும் கொலைகள், ஆட்கடத்தல்கள், பாதாள உலகக் குழுக்களின் குற்றச் செயல்களைக் கட்டுப்படுத்துவதற்காகவே கொண்டுவரப்படுவதாக அரசாங்கம் நியாயப்படுத்தினாலும், அதன் பின்னணியில் மக்களின் ஜனநாயக உரிமைகளை முடக்கும் சூழ்ச்சி மறைந்துள்ளது.
குறிப்பாக இந்தச் சட்டமூலத்தின் மூலம், பணத்தினையோ அல்லது வேறு சலுகைகளையோ பெறும் நோக்கில், மூன்று அல்லது அதற்கு மேற்பட்ட நபர்கள் இணைந்து தொடர்ச்சியாக ஏதேனும் சட்டவிரோத செயலில் ஈடுபட்டால், அவர்கள் 'குற்றக் கும்பலாக' கருதப்படுவர். மேலும், நான்கு ஆண்டுகள் அல்லது அதற்கு மேற்பட்ட காலம் சிறைத்தண்டனை பெறக்கூடிய குற்றங்கள் 'பாரிய குற்றங்கள்' என இச்சட்டத்தின் கீழ் வரையறுக்கப்பட்டுள்ளன.
குறிப்பாக, பொலிஸ் அதிகாரிகளின் கடமைக்குத் தடை ஏற்படுத்துதல், உரிமமற்ற சூதாட்டம் மற்றும் திருட்டு போன்றவையும் இத்தகைய பாரிய குற்றங்களின் பட்டியலில் சேர்க்கப்பட்டுள்ளமை குறிப்பிடத்தக்கது. குறிப்பாக பொலிஸ் தொடர்பாக குறிப்பிட்டுள்ளதன்படி மக்கள் தங்களின் உரிமைகளுக்காக அமைதியான முறையில் ஆர்ப்பாட்டம் செய்யும்போது, பொலிஸாரின் உத்தரவை மீறினால் அது பொலிஸ் கடமைக்குத் தடையாக உள்ளதென, பொலிஸாரினால் கைது நடவடிக்கைகள் மேற்கொள்ள முடியும். ஏலவே நாட்டில் பொலிஸார் தமது அதிகாரத்தை துஷ்பிரயோகம் செய்வதை அவதானிக்க முடிகின்றது. புதிய சட்டமூலத்தின் ஊடாக மீண்டும் பொலிஸாருக்கு எல்லையற்ற அதிகாரங்கள் வழங்கப்பட்டுள்ளது.
மேலும் ஒழுங்கமைக்கப்பட்ட குற்ற தடுப்பு சட்டமூலத்தின் 17ஆவது பிரிவின்படி சந்தேகத்தின் பேரில் எவரையும் எந்த நேரத்திலும் கைது செய்யவும் சோதனையிடவும் பொலிஸாருக்கு அதிகாரம் வழங்கப்பட்டுள்ளதுடன், 20 (1) பிரிவின்படி முன்னர் 24 மணி நேரமாக இருந்த நீதிமன்றத்தில் முன்னிலைப்படுத்தும் கால அறவு 72 மணி நேரமாக (மூன்று நாட்களாக) நீட்டிக்கப்பட்டுள்ளது. மேலும், நீதிமன்ற விசாரணை ஏதுமின்றி பொதுப்பாதுகாப்பு அமைச்சின் செயலாளரினால் எவரையும் தடுப்புக் காவலில் வைப்பதற்கான உத்தரவைப் பிறப்பிக்க முடிவதுடன், நீதிமன்றத்தால் விளக்கமறியலில் வைக்கப்பட்ட ஒருவரைக் கூட மேலதிக விசாரணை என்ற பெயரில் மீண்டும் பொலிஸ் நிலையத்தில் ஆறு மாதங்கள் வரை தடுத்து வைக்க முடியும் எனவும் 25ஆவது பிரிவில் குறிப்பிடப்பட்டுள்ளது. இத்தகைய எல்லயற்ற அதிகாரங்கள் மக்களின் அடிப்படை ஜனநாயக சுதந்திரத்தை முழுமையாகப் பறிக்கும் செயலாகும்.
குறித்த சட்டமூலத்தினை எளிமையாக விளக்க வேண்டுமானால் 'ஒரு லொறியின் முன்பகுதியில் 'தெருவன் சரணாய்' (கடவுளின் துணை) என்று எழுதிவிட்டு, அதன் உள்ளே மாடுகளை வெட்டுவதற்காக ஏற்றிச் செல்வதைப் போன்றது' ஆகும். மேலோட்டமாகக் குற்றங்களை தடுப்பது போல் காட்டினாலும், உள்ளே மக்களின் ஜனநாயக உரிமைகளையும் இளைஞர்களின் குரல்வளையையும் நெரிப்பதே இதன் உண்மை நோக்கமாகும். அரசாங்கம் மக்கள் எதிர்ப்பை அடக்குவதற்கும், தங்களின் தவறுகளை மூடிமறைப்பதற்கும் இத்தகைய அடக்குமுறைச் சட்டங்களைப் பயன்படுத்த முயற்சிக்கின்றனர். இச்சட்டமூலத்திற்கு எதிராக எந்தவித நிபந்தனையுமின்றிப் போராடவும் மக்களை அணிதிரட்டவும் தாங்கள் தயாராக உள்ளோம் என்றார்.
இந்திய நிதியுதவியுடன் காலியில் 24 வீடுகள் பயனாளிகளிடம் கையளிப்பு !
இந்திய அரசாங்கத்தின் நிதியுதவியுடன் இலங்கையின் காலி மாவட்டத்தில் நிர்மாணிக்கப்பட்ட ‘திதுல’ மாதிரிக் கிராமத்தில் உள்ள 24 வீடுகள், 2026 ஒக்டோபர் 22ஆம் திகதி பயனாளிகளிடம் கையளிக்கப்பட்டன.
இந்நிகழ்வில் இலங்கைக்கான இந்திய உயர்ஸ்தானிகர் சந்தோஷ் ஜா மற்றும் வீடமைப்பு, நிர்மாணத்துறை மற்றும் நீர்வழங்கல் அமைச்சர் கலாநிதி எச். எம். சுசில் ரணசிங்க ஆகியோர் இணைந்து வீடுகளைத் திறந்து வைத்து பயனாளிகளிடம் கையளித்தனர்.
2இந்திய அரசாங்கத்தின் நிதியுதவியுடன், இலங்கையின் வீடமைப்பு, நிர்மாணத்துறை மற்றும் நீர்வழங்கல் அமைச்சுடன் இணைந்து நாட்டின் 25 மாவட்டங்களிலும் மாதிரிக் கிராம வீடமைப்புத் திட்டம் நடைமுறைப்படுத்தப்பட்டு வருகின்றது. இத்திட்டத்தைச் செயற்படுத்துவதற்கான புரிந்துணர்வு ஒப்பந்தம் இந்தியா மற்றும் இலங்கை அரசாங்கங்களுக்கு இடையில் 2017ஆம் ஆண்டு ஒக்டோபர் மாதம் கைச்சாத்திடப்பட்டது.
இத்திட்டத்தின் கீழ் இலங்கையில் குறைந்த வருமானம் பெறும் 600 குடும்பங்களுக்கு வீடமைப்பு வசதிகளை வழங்குவதற்கு நடவடிக்கை எடுக்கப்பட்டுள்ளது. ஒவ்வொரு மாவட்டத்திலும், மாவட்ட வீடமைப்புக் குழுக்களினால் தெரிவுசெய்யப்படும் குடும்பங்களுக்காக 24 வீடுகளைக் கொண்ட மாதிரிக் கிராமம் அமைக்கப்படுகின்றது.
இத்திட்டத்தின் கீழ் இதுவரை மட்டக்களப்பு, வவுனியா, யாழ்ப்பாணம், கண்டி, கம்பஹா, அனுராதபுரம், பதுளை, மாத்தளை, புத்தளம், கொழும்பு, திருகோணமலை, மொனராகலை, கிளிநொச்சி, மன்னார், முல்லைத்தீவு, இரத்தினபுரி, அம்பாறை, குருநாகல், கேகாலை, களுத்துறை மற்றும் பொலன்னறுவை ஆகிய 21 மாவட்டங்களில் மாதிரிக் கிராமங்கள் திறந்து வைக்கப்பட்டு பயனாளிகளிடம் கையளிக்கப்பட்டுள்ளன
இத்திட்டத்தின் முன்னேற்றம் தற்போது சுமார் 98.6 சதவீதத்தை எட்டியுள்ளது. எஞ்சியுள்ள மூன்று மாதிரிக் கிராமங்களும் விரைவில் திறந்து வைக்கப்பட்டு பயனாளிகளிடம் கையளிக்கப்படும் என எதிர்பார்க்கப்படுகின்றது.
. இந்நிகழ்வில் மாவட்ட நாடாளுமன்ற உறுப்பினர்கள், தேசிய வீடமைப்பு அபிவிருத்தி அதிகார சபையின் தலைவர் மற்றும் சிரேஷ்ட அதிகாரிகள், காலி மாவட்ட நிர்வாக அதிகாரிகள் உள்ளிட்ட பலர் கலந்துகொண்டனர்.
பிரான்சிஸ் ஜோசப் அடிகளாருக்கான நீதி இதுவரை கிடைக்கவில்லை - ரவிகரன் எம்.பி
இந்த நாட்டில் சைவமக்களின் சமய மரியாதைக்கு ஏற்பட்ட அவமதிப்புகளைப் பட்டியலிட்டுக்காட்டிய வன்னி மாவட்ட பாராளுமன்ற உறுப்பினர் துரைராசா ரவிகரன், இறுதிப்போரின்போது காணாமல் ஆக்கப்பட்ட அருட்தந்தை பிரான்சிஸ் ஜோசப் அடிகளாருக்கான நீதியும் இதுவரை கிடைக்கவில்லை எனவும் சுட்டிக்காட்டியுள்ளார்.
அத்தோடு நாட்டையும் அரண்மனை வாழ்வையும் துறந்து ஞானம் கண்ட புத்தர் பெருமானின் சிலை தற்போது நில ஆக்கிரமிப்பின் அடையாளமாக பாவிக்கப்படுவதாகவும் தெரவித்த பாராளுமன்ற உறுப்பினர் ரவிகரன், வெளிநாட்டு விருந்தினர்களுக்குரிய இராஜதந்திர மரியாதையை வலியுறுத்துகின்ற அதே உறுதியுடன், உள்நாட்டிலும் அனைத்து மக்களுக்கும் உரிய சமய மரியாதையையும் அரசாங்கம் உறுதிப்படுத்தவேண்டுமெனவும் வலியுறுத்தியுள்ளார்.
இராஜதந்திர நடைமுறைகளையும் சமய நல்லிணக்கத்தையும் வலியுறுத்தி 22.10.2026இன்று பாராளுமன்ற உறுப்பினர் திலித் ஜயவீரவால் முன்வைக்கப்பட்ட சபை உத்திவைப்புவேளையின்போதான பிரேரணையில் பங்கேற்றுக் கருத்துத் தெரிவிக்கும்போத அவர் மேற்கண்டவாறு தெரிவித்துள்ளார்.
இதன்போது அவர் மேலும் கருத்துத் தெரிவிக்தையில்,
இராஜதந்திர நடைமுறைகளையும் சமய நல்லிணக்கத்தையும் வலியுறுத்தி இப்பிரேரணையை முன்வைத்த கௌரவ திலித் ஜயவீர அவர்களின் முயற்சியை வரவேற்கிறேன்
இலங்கைக்கும் தாய்லாந்திற்கும் இடையிலான வரலாற்று உறவுகளை நாம் மதிக்கிறோம். வெளிநாட்டு உயர்மட்ட விருந்தினர் ஒருவர் சமய நிகழ்வுக்காக வருகைதந்தாலும், அவரது பதவிக்கும் வருகையின் தன்மைக்கும் உரிய இராஜதந்திர மரியாதையும் பாதுகாப்பும் வழங்கப்படவேண்டும்.
இவ்விடயத்தில் மேற்கொள்ளப்பட்ட ஏற்பாடுகள் என்ன? எங்கு குறைகள் ஏற்பட்டன என்பவை தொடர்பில் அரசாங்கம் இச்சபைக்கு தெளிவுபடுத்த வேண்டும்.
அதேவேளை, வெளிநாட்டு விருந்தினர்களுக்கான சமய மரியாதையை வலியுறுத்தும் இச்சபையில், உள்நாட்டில் எமது மக்களின் சமய மரியாதைக்கு ஏற்பட்ட அவமதிப்புகளையும் நினைவுபடுத்த விரும்புகிறேன்.
2019ஆம் ஆண்டில் முல்லைத்தீவு நீராவியடிப் பிள்ளையார் ஆலயத்தில் நீதிமன்ற உத்தரவையும் மீறி, நூற்றுக்கணக்கான தமிழர்களின் எதிர்ப்பையும் மீறி, பொலிசார், படையினர் உள்ளிட்ட அரச இயந்திரங்கள் குவிந்து பாதுகாப்பு வழங்க, சைவ மக்களின் புனித தீர்த்தக்கேணியோரம் பௌத்த பிக்குவின் உடலம் தகனம் செய்யப்பட்டது. அப்போது எமது மக்களின் சமய உணர்வுகளுக்கு வழங்கப்பட்ட மரியாதை என்ன?
படையினர் சூழ்ந்திருக்க குருந்தூர்மலை ஆதிசிவன் ஆலயத்தில் எமது மக்கள் வழிபட்டுவந்த சூலம் காணாமல் ஆக்கப்பட்டது.
வெடுக்குநாறி மலையில் எமது சமய அடையாளங்கள் சேதப்படுத்தப்பட்டு அகற்றப்பட்டன. இவற்றுக்கான பொறுப்புக்கூறல் எங்கே!
இறுதிப்போரின் போது காணாமல் ஆக்கப்பட்ட அருட்தந்தை பிரான்சிஸ் ஜோசப் அடிகளாரின் கதியும் இச்சபையில் நினைவுபடுத்துகின்றேன். அவருக்கு என்ன நேர்ந்தது என்ற உண்மையை வெளிக்கொண்டுவரப்படவில்லை. நீதி நிலைநாட்டப்படவில்லை.
சிங்கள பௌத்தர்கள் வாழாத முல்லைத்தீவு - கொக்கிளாய் பகுதியில் தனியார் காணியை ஆக்கிரமித்து விகாரை வலிந்து நிருமாணிக்கப்பட்டது. சைவ மக்கள் நிறைந்த வெட்டுவாய்க்கால் பகுதியிலும் வலிந்து விகாரை அமைக்கப்பட்டது. ஆக, இங்கு அமைக்கப்படும் விகாரைகள் வழிபடும் நோக்கத்துக்காக அன்றி, நில ஆக்கிரமிப்பு அடையாளங்களாக அமைக்கப்படுகின்றன.
நாட்டையும் அரண்மனை வாழ்வையும் துறந்து ஞானம் கண்ட புத்தர் பெருமானை, நில ஆக்கிரமிப்பின் அடையாளமாக எமது மக்கள் உணரும் நிலைக்கு கொண்டுவந்த கடந்த கால அரசியல் அணுகுமுறைகள் எவ்வளவு துயரமானவை!
இந்தத் தீவின் வருங்காலம் பல்வகைமையை மதித்துக் கொண்டாடுவதாக அமையவேண்டும். இன, மத நல்லிணக்கம் நடைமுறையிலும் வெளிப்படவேண்டும்.
வெளிநாட்டு விருந்தினர்களுக்குரிய இராஜதந்திர மரியாதையை வலியுறுத்துகின்ற அதே உறுதியுடன், உள்நாட்டிலும் அனைத்து மக்களுக்கும் உரிய சமய மரியாதையையும் அரசாங்கம் உறுதிப்படுத்தவேண்டும் என்று வலியுறுத்தி நிறைவுசெய்கிறேன் என்றார்.
தம்பலகாமம் பகுதியில் கனமழையுடன் வீசிய கடும் காற்றினால் வீடு சேதம்!
திருகோணமலை மாவட்டத்தின் தம்பலகாமம் பகுதியில் பெய்த கனமழையுடன் வீசிய கடும் காற்றின் காரணமாக முள்ளியடி பகுதியில் உள்ள வீடொன்று வியாழக்கிழமை (22) சேதமடைந்துள்ளது.
தொடர்ந்து நிலவும் சீரற்ற காலநிலை காரணமாக அப்பகுதியில் பலத்த காற்றுடன் மழை பெய்த நிலையில், குறித்த வீட்டுக்குச் சேதம் ஏற்பட்டுள்ளது.
குறித்த வீட்டில் உள்ள ஒரு பகுதி உடைந்து காணப்படுகிறது. கனமழை உடனான கடும் காற்றின் வேகம் அதிகரித்ததால் குறித்த சேதம் ஏற்பட்டுள்ளது என தெரிகிறது.
குறித்த சேத விபரம் தொடர்பில் தம்பலாகாமம் பிரதேச செயலக அனர்த்த முகாமைத்துவ பிரிவுக்கு அறிவிக்கப்பட்டுள்ளது.
போராட்டத்தில் ஈடுபடும் பிக்குகளுக்கு நீதிமன்றம் பிறப்பித்த உத்தரவு
பொதுபலசேனா அமைப்பின் பொதுச்செயலாளர் கலகொடஅத்தே ஞானசார தேரரை உடனடியாக விடுவிக்குமாறு வலியுறுத்தி கொழும்பு விஹாரமஹா தேவி பூங்காவில் முன்னெடுக்கப்பட்டு வரும் சத்தியாகிரக போராட்டத்திற்கு எதிராக நீதிமன்றம் கட்டளையொன்றைப் பிறப்பித்துள்ளது.
கறுவாத்தோட்டம் பொலிஸ் நிலையப் பொறுப்பதிகாரியினால் கொழும்பு பிரதான நீதிவான் நீதிமன்றில் சமர்ப்பிக்கப்பட்ட விடயங்களை கருத்தில் கொண்டு இந்த உத்தரவு பிறப்பிக்கப்பட்டுள்ளது.
அதற்கமைய, இந்தப் போராட்டத்தில் தொடர்ந்து ஈடுபட்டு வரும் உலப்பனே சுமங்கல தேரர், பலங்கொட கஸ்ஸப தேரர் உள்ளிட்ட பிக்குகள், சிவில் அமைப்புகளின் செயற்பாட்டாளர்கள் மற்றும் பல்வேறு அரசியல் கட்சிகளின் பிரதிநிதிகளுக்கு இந்த நீதிமன்ற உத்தரவு பொருந்தும் என அறிவிக்கப்பட்டுள்ளது.
இந்த உத்தரவின் மூலம் விஹாரமஹா தேவி பூங்காவின் புத்தர் சிலைக்கு அருகிலுள்ள வளாகம், நடைபாதைகள் மற்றும் எஃப்.ஆர். சேனாநாயக்க மாவத்தை, லிப்டன் சுற்றுவட்டம், சொய்சா சுற்றுவட்டம், தர்மபால மாவத்தை, கன்னங்கர மாவத்தை, கிரீன் பாத் மற்றும் ப்ளவர் வீதி உள்ளிட்ட வீதிகளை மறித்து போக்குவரத்துக்கு இடையூறு விளைவிப்பதைத் தவிர்க்குமாறு பொலிஸாரால் அறிவிக்கப்பட்டுள்ளது.
அதேபோன்று, ப்ளவர் வீதியில் அமைந்துள்ள பிரதமர் அலுவலகத்துக்கு முன்னாலும், விஹாரமஹா தேவி பூங்காவின் புத்தர் சிலையைச் சுற்றியுள்ள பகுதியிலும் தொடர்ந்து தங்கியிருப்பதைத் தவிர்க்குமாறும், பொது மற்றும் தனியார் சொத்துக்களுக்கு சேதம் விளைவிக்கக் கூடாது என்றும் நீதிமன்றம் அறிவுறுத்தியுள்ளது.
1979 ஆம் ஆண்டின் 15 ஆம் இலக்க குற்றவியல் நடைமுறைச் சட்டக்கோவையின் 106(1) பிரிவின் கீழ் இந்த உத்தரவு பிறப்பிக்கப்பட்டுள்ளதுடன், அதன் 106(3) பிரிவின் பிரகாரம் குறித்த உத்தரவை நடைமுறைப்படுத்தும் அதிகாரம் பொலிஸாருக்கு வழங்கப்பட்டுள்ளது.
மேலும், இந்த நீதிமன்ற உத்தரவை மீறிச் செயற்படுவது இலங்கை தண்டனைச் சட்டக்கோவையின் 185 ஆம் பிரிவின் கீழ் தண்டனைக்குரிய குற்றமாகும் என்றும் நீதிமன்ற உத்தரவில் சுட்டிக்காட்டப்பட்டுள்ளது.
புத்தளம் - அநுராதபுரம் வீதியில் கோர விபத்து: இருவர் பலி, 15க்கும் மேற்பட்டோர் காயம்!
புத்தளம் - அநுராதபுரம் பிரதான வீதியின் சாலியவெவ 19ஆவது மைல்கல் பகுதியில் நேற்று (22) மாலை 6 மணியளவில் இடம்பெற்ற கோர விபத்தில் இருவர் உயிரிழந்துள்ளதுடன், 15க்கும் மேற்பட்டோர் காயமடைந்துள்ளனர்.
கொழும்பில் இருந்து புத்தளம் ஊடாக மன்னார் நோக்கிப் பயணித்த அதி சொகுசு பேருந்து ஒன்றே இவ்வாறு விபத்துக்குள்ளாகியுள்ளதாக சாலியவெவ பொலிஸார் தெரிவித்தனர்.
பிரதான வீதியில் பயணித்துக் கொண்டிருந்த மோட்டார் சைக்கிளை முந்திச் செல்ல முற்பட்ட வேளையில், கட்டுப்பாட்டை இழந்த பேருந்து வீதியோரத்தில் இருந்த பாலத்தில் மோதி, வீதியை விட்டு விலகிச் சென்று சுமார் 200 மீற்றர் தூரம் வரை இழுத்துச் செல்லப்பட்டு, அதி உயர் அழுத்த மின் கம்பத்துடன் மோதி கவிழ்ந்துள்ளது.
விபத்து நடந்த சமயத்தில் பேருந்தில் சுமார் 50 பயணிகள் பயணித்துள்ளனர். விபத்தையடுத்து சாலியவெவ பொலிஸாரும் அப்பகுதி மக்களும் இணைந்து காயமடைந்தவர்களை மீட்டு வைத்தியசாலைகளில் அனுமதிப்பதற்கான நடவடிக்கைகளை மேற்கொண்டனர்.
இந்த விபத்தில் மோட்டார் சைக்கிளில் பயணித்த நபரும், பேருந்தில் பயணித்த பெண் ஒருவரும் உயிரிழந்துள்ளதாக பொலிஸார் உறுதிப்படுத்தியுள்ளனர்.
மேலும், படுகாயமடைந்த பேருந்தின் சாரதியின் நிலைமை கவலைக்கிடமாக உள்ளதாகவும் பொலிஸார் தெரிவிக்கின்றனர்.
பேருந்து மோதியதில் அதி உயர் அழுத்த மின் கம்பம் பலத்த சேதமடைந்ததைத் தொடர்ந்து அப்பகுதியில் மின்சார விநியோகம் தடைப்பட்டது. சம்பவம் தொடர்பில் சாலியவெவ பொலிஸார் மேலதிக விசாரணைகளை முன்னெடுத்து வருகின்றனர்.
Thursday, October 22, 2026
ஞானசார தேரர் நாளை நீதிமன்றத்தில் ஆஜர்படுத்தப்பட மாட்டார்!
பொதுபல சேனா அமைப்பின் பொதுச்செயலாளர்
விஹாரமஹாதேவி பூங்காவில் அமைதியின்மை
கொழும்பு - விஹாரமஹாதேவி பூங்காவில் பௌத்த பிக்குமார் சத்தியாகிரகத்தில் ஈடுபட்டுள்ள பகுதியில் அமையின்மை ஏற்பட்டுள்ளது.
குறித்த பகுதியில் சத்தியாகிரக போராட்டத்தில் ஈடுபட்டுள்ள குழுவினரை அங்கிருந்து அகற்றுவது தொடர்பில் கறுவாத்தோட்டம் பொலிஸார், கொழும்பு பிரதான நீதவான் நீதிமன்றில் உத்தரவொன்றை பெற்றுள்ளனர்.
இந்த உத்தரவு தொடர்பில் பொலிஸார் அறிவிப்பதற்கு ஸ்தலத்துக்கு சென்றிருந்த நிலையில் அங்கு அமையின்மை ஏற்பட்டுள்ளதாக தெரிவிக்கப்பட்டுள்ளது.
பாலியல் தொல்லை குற்றச்சாட்டு: NPP பிரதேச சபை உறுப்பினர் விளக்கமறியலில்!
இளம் பெண்ணொருவருக்குப் பாலியல் தொல்லை
