ஆயிரக்கணக்கானோர் பார்த்துக் கொண்டிருக்கையில், பொரளை கனத்தை சுற்றுவட்டத்திற்கு அருகிலுள்ள பாதசாரிகள் கடவையில், தமது மனைவியுடன் சென்றுகொண்டிருந்த முதியவர் ஒருவரை மனிதாபிமானமற்ற முறையில் தாக்கியதாகக் கூறப்படும் கோடீஸ்வர இரத்தினக்கல் வர்த்தகர் கைது செய்யப்பட்டுள்ளதாகப் பொரளைப் பொலிஸார் தெரிவித்துள்ளனர்.
சந்தேகநபர் செலுத்திச் சென்ற சொகுசுக் காரும் பொலிஸ் பொறுப்பில் எடுக்கப்பட்டுள்ளது.
கைது செய்யப்பட்ட குறித்த சந்தேகநபர், கஞ்சா பாவனைக்கு அடிமையானவர் என்பது மருத்துவ அறிக்கைகள் ஊடாகவும் வெளிப்படுத்தப்பட்டுள்ளதாகப் பொலிஸார் கூறியுள்ளனர்.
கைது செய்யப்பட்ட சந்தேகநபர், ராஜகிரிய திசையிலிருந்து கனத்தை சுற்றுவட்டம் நோக்கிச் சொகுசுக் காரைச் செலுத்திக்கொண்டிருந்தபோது, கனத்தை சுற்றுவட்டப் பாதசாரிகள் கடவைக்கு அருகில் அமைந்துள்ள சமிக்ஞை விளக்கில் சிவப்பு நிற விளக்கு எரிந்து கொண்டிருந்த வேளையில், குறித்த முதிய தம்பதியினர் அதனூடாக மிகுந்த சிரமத்துடன் கடந்து சென்றுகொண்டிருந்ததாகப் பொலிஸார் தெரிவித்தனர்.
