மத்திய அதிவேக நெடுஞ்சாலை நிர்மாணப் பணிகள் நிறைவு செய்வதற்கான முயற்சிகள் முன்னெடுக்கப்பட்டு வருவதாகவும், அரசாங்கம் ஜப்பானின் ஆதரவைப் பெறும் என எதிர்பார்க்கப்படுவதாகவும் ஜனாதிபதி அநுரகுமார திசாநாயக்க அறிவித்தார்.
கண்டியில் நடைபெற்ற பேரணியொன்றில் உரையாற்றிய திஸாநாயக்க, ஜப்பானிய தூதுவருடனான கலந்துரையாடல் அதிவேக நெடுஞ்சாலையின் நிர்மாணப் பணிகளை மீள ஆரம்பிப்பதற்கும் விரைவுபடுத்துவதற்குமான நடவடிக்கைகளை எளிதாக்கியுள்ளதாக தெரிவித்தார்.
கண்டி மற்றும் அதனை அண்மித்த பகுதிகளில் நிலவும் போக்குவரத்து நெரிசலை குறைப்பதற்கான உட்கட்டமைப்பு அபிவிருத்திகளின் முக்கியத்துவத்தை ஜனாதிபதி எடுத்துரைத்தார். அதிவேக நெடுஞ்சாலைக்கு கூடுதலாக, உள்ளூர் போக்குவரத்தை மேம்படுத்துவதற்காக பிராந்திய பஸ் முனையங்களுடனான பிரச்சினைகளை தீர்க்க அரசாங்கம் திட்டமிட்டுள்ளதாக அவர் மேலும் குறிப்பிட்டுள்ளார்.
