வாரியப்பொல பொலிஸ் பிரிவுக்குட்பட்ட பாதெனிய
- அநுராதபுரம் வீதியில் தங்கஹமுல சந்தியில் முன்னாள் பாராளுமன்ற உறுப்பினர் லொஹான் ரத்வத்தவின் வாகனம் ஒன்று விபத்துக்குள்ளாகியுள்ளது.இவ் விபத்து வெள்ளிக்கிழமை (25 ) இடம்பெற்றுள்ளது.
விபத்து இடம் பெற்றதை அடுத்து அங்கிருந்த பொது மக்களுக்கும் வாகனத்தில் பயணித்தவர்களுக்கும் இடையில் கடும் வாக்குவாதம் ஏற்பட்டுள்ளதாக தெரியவந்துள்ளது.
வாக்குவாதம் முற்றியதில் இரு தரப்பினரும் கைகலப்பில் ஈடுபட்டுள்ளனர்.
இந்நிலையில், விபத்துக்குள்ளான வாகனத்தில் பல ஆயுதங்கள் காணப்பட்டதாகவும் மக்கள் குற்றம் சாட்டியுள்ளனர்.
இச்சம்பவம் தொடர்பாக வாரியப்பொல பொலிஸார் விசாரணைகளை மேற்கொண்டு வருகின்றனர்.
