2019ம் ஆண்டு ஈஸ்டர் ஞாயிறு குண்டுவெடிப்புக்கு முன்னர் குறிப்பிட்ட புலனாய்வு அதிகாரிகள் மேற்கொண்ட நடவடிக்கைகள் குறித்து ஆராய்வதற்கு முன்னாள் ஜனாதிபதி ரணில் விக்கிரமசிங்க ஓய்வுபெற்ற நீதிபதி ஏ.என்.ஜே. அல்விஸ் தலைமையில் குழுவொன்றை இந்த வருட ஆரம்பத்தில் நியமித்ததன் பின்னணி என்ன என கொழும்பு பேராயர் கர்தினால் மல்கம் ரஞ்சித் கேள்வி எழுப்பியுள்ளார்.
ஏப்ரல் 21, 2019 அன்று நடந்த இந்த தாக்குதல் தொடர்பாக பெறப்பட்ட முந்தைய உளவுத்துறை தொடர்பான அரச புலனாய்வு சேவை (SIS), தேசிய புலனாய்வுத் தலைவர் (CNI) மற்றும் பிற தொடர்புடைய அதிகாரிகளின் நடவடிக்கைகளை விசாரிக்க குழு நியமிக்கப்பட்டது.
விக்கிரமசிங்க புதிய குழுவொன்றை நியமித்தமை "சந்தேகத்திற்குரியது" என்று கர்தினால் ரஞ்சித் ஊடகவியலாளர் சந்திப்பில் தெரிவித்தார்.
அதிகாரிகளான ஷானி அபேசேகர மற்றும் ரவி செனவிரத்ன ஆகியோரை அரசியல் ரீதியாகப் பலிகடா ஆக்குவதற்காகவே திருமதி அல்விஸ் தலைமையிலான குழுவை முன்னாள் ஜனாதிபதி நியமித்துள்ளதாக நாம் சந்தேகிக்கிறோம்.
மேலும், முன்னாள் அமைச்சர் உதய கம்மன்பில ஈஸ்டர் ஞாயிறு குண்டுத் தாக்குதல்கள் தொடர்பான விசாரணையை திசை திருப்புவதற்கான ஒப்பந்தத்தில் இணைந்திருப்பதாக தெரிகிறது.
"உதய கம்மன்பில இவ்வளவு காலம் அமைதியாக இருந்தார், எனவே அவர் ஏன் இப்போது திடீரென இதைப் பற்றிப் பேச முனைகிறார் என்று நாங்கள் கேள்வி எழுப்புகிறோம்," என்று கர்தினால் மேலும் கூறினார்.
