எதிர்வரும் ஜனாதிபதித் தேர்தலில் தமிழ் முற்போக்குக் கூட்டணி மற்றும் அகில இலங்கை மக்கள் காங்கிரஸின் ஆதரவு யாருக்கு என்பது குறித்து இன்று அறிவிக்கவுள்ளதாக தெரிவித்துள்ளனர்.
தமிழ் முற்போக்குக் கூட்டமைப்பு கொழும்பில் இன்று பிற்பகல் 1.00 மணியளவில் ஊடகவியலாளர் மாநாட்டுக்கு அழைப்பு விடுத்துள்ளதுடன், இக்கூட்டமைப்பின் தலைவர் மனோ கணேசன் மற்றும் பிரதித் தலைவர்களான திகாம்பரம், இராதாகிருஷ்ணன் ஆகியோர் இணையவுள்ளனர்.
இதேவேளை, அகில இலங்கை மக்கள் காங்கிரஸின் அதியுயர் சபை கூட்டம் வெள்ளவத்தையில் உள்ள கட்சி அலுவலகத்திலும் நடைபெறவுள்ளது.
அதன் பின்னர் ஜனாதிபதித் தேர்தலில் ஆதரவளிக்கப்படும் வேட்பாளர் யார் என்பது அறிவிக்கப்படும் என அக்கட்சியின் தலைவர் பாராளுமன்ற உறுப்பினர் ரிசாத் பதியுதீன் தெரிவித்துள்ளார்.
மேலும், எதிர்வரும் ஜனாதிபதித் தேர்தலில் எதிர்க்கட்சித் தலைவர் சஜித் பிரேமதாசவுக்கு ஆதரவளிக்க ஸ்ரீலங்கா முஸ்லிம் காங்கிரஸ் தீர்மானித்துள்ளமை குறிப்பிடத்தக்கது.
