கல்விப் பொதுத் தராதர உயர்தரப் பரீட்சை – 2023 எக்காரணம் கொண்டும் பிற்போடப்பட மாட்டாது என கல்வி அமைச்சர் சுசில் பிரேமஜயந்த தெரிவித்தார்.
2023 ஆம் ஆண்டுக்கான உயர்தர பரீட்சையை ஒக்டோபர் மாதம் நடத்துவதற்கு பரீட்சை திணைக்களம் திட்டமிட்டிருந்த போதிலும் 2022 ஆம் ஆண்டு உயர்தரப் பரீட்சை தாமதமானதால், அதற்கான பரீட்சை நவம்பர் மாதம் 27 முதல் டிசம்பர் 21, 2023 வரை பரீட்சை நடத்தப்படும் என ஜூலை 17 ஆம் திகதி முன்கூட்டியே அறிவிக்கப்பட்டதாக அமைச்சர் தெரிவித்தார்.
பொதுவாக உயர்தரப் பெறுபேறுகள் திருத்தத்திற்கு சுமார் 04 மாதங்கள் ஆகும், இந்த ஆண்டு பரீட்சை பெப்ரவரி 17ஆம் திகதி முடிவடைந்த போதிலும், சம்பந்தப்பட்ட தரப்பினர் கலந்துகொள்ளாத காரணத்தினால், மே 20ஆம் திகதி மற்றும் மிகக் குறுகிய காலத்திற்குள் பணிகள் ஆரம்பிக்கப்பட்டன.
பிள்ளைகளின் வயதைக் கருத்தில் கொண்டு பரீட்சைக்குத் தோற்றுவதற்கான சந்தர்ப்பம் விரைவில் கிடைக்க வேண்டும் என்பதே பெற்றோரின் எதிர்பார்ப்பாக உள்ளதாகவும், மாணவர்கள் விரைவில் பரீட்சைக்குத் தோற்றுவது அவசியத் தேவையாக மாறியுள்ளதாகவும் அமைச்சர் தெரிவித்தார்.
இதுவரை 2023 ஆம் ஆண்டு உயர்தரப் பரீட்சைக்கு விண்ணப்பங்கள் கோரப்பட்டுள்ளதுடன் இதுவரை பெறப்பட்ட விண்ணப்பங்களின் எண்ணிக்கை 323,913 ஆகும். முந்தைய ஆண்டில், அதாவது 2022 ஆம் ஆண்டில், விண்ணப்பித்தவர்களின் எண்ணிக்கை 331,709 ஆக இருந்தது.
பரீட்சை பெறுபேறுகள் வெளியான பின்னரும் இரண்டாம் அல்லது மூன்றாம் தடவைக்கு தோற்றும் மாணவர்கள் விண்ணப்பிக்க வாய்ப்பு இருப்பதாகவும், பரீட்சை பெறுபேறுகள் வெளியான பின்னர் மீண்டும் பரீட்சைக்கு தோற்றுவதற்கு பரீட்சை திணைக்களம் ஆன்லைன் அமைப்பு மூலம் வாய்ப்பு வழங்குவதாகவும் அமைச்சர் தெரிவித்தார்.
