மின்கட்டணத்தில் மேற்கொள்ளப்பட்டுள்ள திருத்தம், மின்வெட்டு உள்ளிட்ட செயற்பாடுகளில் மக்களிடத்தில் ஏற்பட்டுள்ள கேள்விகளுக்கு வலுசக்தி அமைச்சர் காஞ்சன விஜேசேகர தனது உத்தியோகப்பூர்வ டுவிட்டர் பக்கத்தில் விளக்கமளித்துள்ளார்.
குறித்த பதிவில்,
ஊடகங்களில் ஊகிக்கப்படுவது போல் மின் கட்டணத்தில் விலை திருத்தம் இருக்காது. ஒவ்வொரு ஆண்டும் ஜனவரி மற்றும் ஜூலை மாதங்களில் மின்சார விலையை ஆண்டுக்கு இருமுறை திருத்துவது என்பது அரசின் கொள்கை முடிவு என குறிப்பிட்டுள்ளார்.
அத்தோடு திட்டமிடப்பட்ட மின்வெட்டுகள் ஏதுமின்றி, ஆண்டு முழுவதும் தடையின்றி மின்சாரம் வழங்குவதற்கு இலங்கை மின்சார சபை திட்டமிட்டுள்ளது. தற்போது உள்ள மின் நிலையங்களின் முழு கொள்ளளவு மின் உற்பத்திக்கு பயன்பாட்டில் உள்ளது.
இலங்கை மின்சார சபை மற்றும் நீர்ப்பாசனத் திணைக்களத்துடன் நேற்று ஜனாதிபதி அலுவலகத்தில் ஒரு கூட்டம் நடைபெற்றது, திட்டமிடப்பட்ட மின்வெட்டு இல்லாமல் தொடர்ச்சியான மின்சாரம் வழங்குவதை உறுதி செய்வதற்கான விருப்பத்தேர்வுகள் மற்றும் விவசாயத்திற்காக வெளியிடக்கூடிய அதிகபட்ச நீர் இன்று அமைச்சரவையுடன் பகிர்ந்து கொள்ளப்படும்.
அடுத்த 12 மாதங்களுக்கு மின் உற்பத்தி, விவசாயத்திற்கான நீர் வெளியீடு, நீர் மின் திறன், அனல் மின்சாரம் கிடைக்கப்பெறும் விருப்பங்கள் தொடர்பான விவரங்கள் பகிரப்பட்டு விவாதிக்கப்படும்.
ஆசிய அபிவிருத்தி வங்கியின் நிதியுதவி பெற்ற பொல்பிட்டிய-ஹம்பாந்தோட்டை மின்விநியோகத்திட்டம் விரைவில் பூர்த்தி செய்யப்படும். தென் மாகாணத்தை இணைக்கும் 150 கிலோமீற்றர் தொலைவுப் பாதையானது கடந்த 3 மாதங்களாக இணைக்கப்பட்டுள்ள 650 மீற்றர் காணிக்கான அரசாங்க மதிப்பீட்டில் ஏற்பட்ட முரண்பாடு காரணமாக நிறுத்தப்பட்டுள்ளது.
பிரச்னைக்கு தீர்வு கிடைத்தால், 4 நாட்களில் பணியை முடிக்க முடியும். இலங்கை மின்சார சபை ஏற்கனவே 2500 தனிநபர்களுக்கு அரசாங்க மதிப்பீட்டின் பேரில் இழப்பீடு வழங்கியுள்ளது மற்றும் அந்த பகுதிகளில் 150 கிமீ நீளத்தில் வேலைகளை முடித்துள்ளது எனக் குறிப்பிட்டுள்ளார்.
