கொழும்பில், SHORT NEWS செய்தி நிறுவனம் மற்றும் ஜனனம் அறக்கட்டளை இணைந்து நடத்திய மாபெரும் இரத்த தான முகாம் இன்று சிறப்பாக நடைபெற்று முடிந்தது.
இன, மத, பேதமின்றி மனிதம் காக்கும் மாபெரும் பணியில் அனைத்து சகோதரர்களும் கை கோர்த்தமை விசேட அம்சமாகும்.
குறித்த நிகழ்வுக்கு பாராளுமன்ற குழுக்களின் பிரதித் தலைவரும், யாழ் மாவட்ட பாராளுமன்ற உறுப்பினருமான அங்கஜன் ராமனாதன், கொழும்பு மாவட்ட முன்னாள் பாராளுமன்ற உறுப்பினர் முஜிபுர் ரஹ்மான், கொழும்பு மாநகர சபையின் முன்னாள் உறுப்பினர் ஷராப்தீன் அலி உள்ளிட்ட பல முக்கிய பிரதிநிதிகளும் கலந்து கொண்டமை சிறப்பம்சமாகும்.
இரத்த தான முகாமுக்கு தனது முழுமையான ஒத்துழைப்பை வழங்கிய ஜனனம் அறக்கட்டளை மற்றும் IDM சர்வதேச பல்கலைக்கழக நிறுவனர் கலாநிதி ஜனகன் விநாயகமூர்த்தி அவர்களுக்கு இந்நேரத்தில் SHORT NEWS செய்திக் குழுமம் தனது உளப்பூர்வமான நன்றிகளை தெரிவித்துக் கொள்கிறது.
