இலங்கை மற்றும் பாகிஸ்தான் ஆகிய அணிகளுக்கு இடையிலான இரண்டாம் டெஸ்ட் கிரிக்கட் போட்டியின் நான்காம் நாள் ஆட்டம் இன்று இடம்பெறவுள்ளது.
போட்டியில் தமது முதலாவது இன்னிங்ஸிற்காக துடுப்பாடி வரும் பாகிஸ்தான் அணி நேற்றைய மூன்றாம் நாள் ஆட்ட நேர நிறைவில் 5 விக்கட்டுக்களை இழந்து 563 ஓட்டங்களை பெற்றுள்ளது.
பாகிஸ்தான் அணி சார்பில் துடுப்பாட்டத்தில் அப்துல்லா சாஃப்பிக் தமது முதலாவது இரட்டை சதத்தை நேற்று பூர்த்தி செய்தார்.
அவர் இந்த போட்டியில் 201 ஓட்டங்களை பெற்றுக்கொடுத்தார்.
அதேநேரம், அஹா சல்மான் ஆட்டமிழக்காது 132 ஓட்டங்களை பெற்றுள்ளார்.
முன்னதாக, இலங்கை அணி தமது முதலாம் இனிங்ஸில், சகல விக்கட்டுக்களையும் இழந்து 166 ஓட்டங்களை மாத்திரமே பெற்றுக்கொண்டது.
