தேங்காய் எண்ணெயின் விலையை அதிகரிக்கும் நோக்கில் உற்பத்தியாளர்கள் குழு ஒன்று இலட்சக்கணக்கான லீற்றர் தேங்காய் எண்ணெயை பதுக்கி வைத்து சந்தையில் செயற்கை பற்றாக்குறையை ஏற்படுத்தியுள்ளதாக தகவல்கள் வெளியாகியுள்ளன.
இலங்கையில் உள்ள பல பாரிய உற்பத்தியாளர்கள் தேங்காய் எண்ணெய் இருப்புக்களை இரகசியமாக மறைத்து வருவதால் எதிர்காலத்தில் எண்ணெய் போத்தல் ஒன்றின் விலை 1000 ரூபாவாக இருக்கும் என கொழும்பு மொத்த வியாபாரிகள் தெரிவிக்கின்றனர்.
தற்போது சந்தையில் தேங்காய் எண்ணெய் போத்தல் ஒன்றின் சில்லறை விலை 500 ரூபாவாக இருந்து வருவதாகவும் பெரும்பாலான சில்லறை விற்பனை நிலையங்களில் விற்பனை செய்யப்படும் தேங்காய் எண்ணெய் தரமற்றதாக இருப்பதாகவும் கூறப்படுகிறது.
இறக்குமதி செய்யப்படும் பண்ணை எண்ணெய் விலை தேங்காய் எண்ணெயின் விலையை விட அதிகமாக இருப்பதால், உற்பத்தியாளர்கள் பண்ணை எண்ணெயை விற்க முடியாமல் தேங்காய் எண்ணெயின் விலையை அதிகமாக உயர்த்த முயற்சிப்பதாகவும் வட்டாரங்கள் கூறுகின்றன.
