பொரலஸ்கமுவ, வெரஹெர மோட்டார் போக்குவரத்து திணைக்களத்திற்கு முன்பாக உள்ள சாரதி பாடசாலை ஒன்றில் போலி சாரதி அனுமதிப்பத்திரம் செயலாக்க நிலையம் ஒன்று சோதனையிடப்பட்டு அதன் உரிமையாளரும் மற்றுமொருவரும் போலி சாரதி அனுமதிப்பத்திரம் மற்றும் போதைப்பொருள்களுடன் கைது செய்யப்பட்டதாக நுகேகொட குற்றப் புலனாய்வுப் பிரிவு தெரிவித்துள்ளது.
சந்தேக நபர்களுடன், இரண்டு தேசிய அடையாள அட்டைகள், ஒரு கடவுச்சீட்டு, ஒன்பது தற்காலிக ஓட்டுநர் உரிமங்கள், நான்கு ஓட்டுநர் உரிமங்கள் (அட்டைகள்), போலி தற்காலிக ஓட்டுநர் உரிமம் அச்சிடத் தயாரிக்கப்பட்ட தரவுகள் அடங்கிய கணினி மற்றும் 5 250 மில்லிகிராம் போதைப்பொருள் பொலிஸாரால் கைப்பற்றப்பட்டுள்ளன.
தற்காலத்தில் வெளிநாடுகளுக்கு செல்பவர்களுக்கே சாரதி அனுமதி அட்டைகள் வழங்கப்படுவதுடன், அதனை முன்னிறுத்தி மிக அதிக விலைக்கு சாரதி அனுமதிப்பத்திரம் மற்றும் தற்காலிக அனுமதிப்பத்திரம் விற்பனை செய்யப்படுவதாக நுகேகொட குற்றப் புலனாய்வுப் பிரிவினருக்கு கிடைத்த தகவலுக்கு அமைய பொரலஸ்கமுவ வெரஹெர மோட்டார் திணைக்களத்திற்கு முன்னால் உள்ள ஓட்டுநர் பாடசாலையில்.இந்த சுற்றிவளைப்பு மேற்கொள்ளப்பட்டுள்ளது.
தூர பிரதேசங்களில் இருந்து வருபவர்களிடம் சாரதி அனுமதிப்பத்திரம் தயாரிப்பதற்கு 25,000 ரூபாவும், தற்காலிக அனுமதிப்பத்திரம் தயாரிப்பதற்கு 15,000 ரூபாயும் அறவிடப்பட்டுள்ளதாக இதுவரை மேற்கொள்ளப்பட்ட விசாரணைகளில் தெரியவந்துள்ளது.
