கடுமையான பொருளாதார நெருக்கடியில் தவித்து வரும் ஆப்கானிஸ்தானுக்கு ஐ.நா மனிதாபிமான உதவிகளை செய்து வருகின்றது.
ஐ.நா.வில் பெண்களே முக்கிய அங்கம் வகிக்கின்ற நிலையில், ஆப்கானிஸ்தானை சேர்ந்த பெண்கள் ஐ.நா. அமைப்பில் பணிபுரிய தலீபான்கள் தடை விதித்துள்ளனர். இதை ஐ.நா. சபை உறுதி செய்துள்ளதாக தெரிவிக்கப்பட்டுள்ளது.
இது குறித்து ஐ.நா. வெளியிட்டுள்ள அறிக்கையில்,
'ஐ.நா. அமைப்பில் ஆப்கானிஸ்தான் பெண்கள் பணிபுரிய தலீபான்கள் அரசாங்கம் தடை விதித்துள்ளது. இது தொடர்பான அறிவிப்பை அவர்கள் எழுத்துப்பூர்வமாக அறிவிக்காமல், வாய்மொழியாக அறிவித்துள்ளனர்.
தலீபான்களின் இந்த முடிவை நிச்சயம் ஏற்றுக் கொள்ள முடியாது. பெண் ஊழியர்கள் இல்லாமல் மருத்துவத் துறை சார்ந்த இங்குள்ள உயிர் காக்கும் கருவிகளை இயக்க முடியாது' என கூறப்பட்டுள்ளது.
