பொலிஸ் விசேட அதிரடிப்படை அதிகாரிகளுக்கு கிடைத்த தகவலின் பிரகாரம் மொரட்டுவை கிலோவியஸ் மாவத்தை மொரட்டுவெல்ல பிரதேசத்தில் வைத்து நேற்று (13) மேற்கொண்ட சுற்றிவளைப்பில் குறித்த பெண்ணை பொலிஸார் கைது செய்துள்ளனர்.
மொரட்டுவை பிரதேசத்தை சேர்ந்த 38 வயதுடைய பெண்ணொருவரே இவ்வாறு கைது செய்யப்பட்டுள்ளார்.
அவளிடம் இருந்து 20 கிராம் 600 மில்லிகிராம் ஹெரோயின் கண்டுபிடிக்கப்பட்டதுடன், தொலைபேசி மற்றும் ஒரு இலட்சம் ரூபாவுக்கும் அதிகமான பணத்தையும் பொலிஸார் கைப்பற்றியுள்ளனர்.
பொலிஸாரால் மேற்கொள்ளப்பட்ட விசாரணைகளில், இந்த பெண் பாரியளவிலான போதைப்பொருள் கடத்தல்காரரும், தற்போது வெளிநாட்டில் உள்ள திட்டமிட்ட குற்றவாளியுமான சலிந்து மல்ஷித குணரத்னவின் உதவியாளர் என தெரியவந்துள்ளது.
சந்தேக நபர் பாணந்துறை மற்றும் மொரட்டுவை பிரதேசங்களில் போதைப்பொருள் கடத்தலை கையாள்வது தெரியவந்துள்ளது.
