ஜனநாயக தமிழ் தேசிய கூட்டணி என்ற பெயரில் 5 தமிழ் கட்சிகள் இணைந்து புதிய கூட்டணி உடன்படிக்கையில் கைச்சாத்திட்டுள்ளன.
தமிழ் தேசிய கூட்டமைப்பின் சார்பில் ஜனநாயக தமிழ் தேசிய கூட்டணி தேர்தலில் களமிறங்குமென அறிவிக்கப்பட்டுள்ளது.
தமிழ் ஈழ விடுதலை இயக்கம், தமிழீழ மக்கள் விடுதலை கழகம், ஈழமக்கள் புரட்சிகர விடுதலை முன்னணி, தமிழ் தேசிய கட்சி, ஜனநாயக போராளிகள் கட்சி ஆகியன இதில் இணைந்து கையெழுத்திட்டுள்ளன.
கூட்டணி ஒப்பந்தத்தில் புளொட் சார்பாக த.சித்தார்த்தனும், ரெலோ சார்பாக செல்வம் அடைக்கலநாதனும் ஈ.பி.ஆர்.எல்.எவ் சார்பாக சுரேஷ் பிரேமச்சந்திரனும் தமிழ் தேசிய கட்சி சார்பாக என்.ஸ்ரீகாந்தாவும் ஜனநாயக போராளிகள் கட்சி சார்பாக வேந்தனும் கையெழுத்திட்டனர்.
தலைமைப்பதவி தேவையென அடம்பிடித்த க.வி.விக்னேஸ்வரன் தரப்பு இந்த கூட்டணியில் இணைவதாக முன்னர் குறிப்பிட்ட போதும், பின்னர் அதில் இணையவில்லை.
இந்நிலையில், சற்று முன்னர் புதிய கூட்டணி உடன்படிக்கை கைச்சாத்தாகியது. இந்த கூட்டணி குத்துவிளக்கு சின்னத்தில் களமிறங்கும்.
