2022 உலகக்கிண்ண உதைபந்து தொடரில், தற்போது லீக் சுற்றுகள் நடைபெற்று வரும் நிலையில், இந்த போட்டியை நடத்தும் கட்டார் அணி, இந்த தொடரிலிருந்து வெளியேறியுள்ளது.
காட்டாரின் முதல் போட்டியில் ஈக்வடாரிடம் 0-2 என்ற கோல் கணக்கில் தோல்வியடைந்தது. உலகக்கிண்ண உதைபந்து வரலாற்றில் போட்டியை நடத்தும் அணி முதல் போட்டியிலேயே தோல்வியடைந்தது இதுவே முதல் முறையாகும்.
இதனை தொடர்ந்து, 2-வது லீக் சுற்றில் செனக்கல் அணியை எதிர் கொண்ட கட்டார் 1-3 என்ற கோல் கணக்கில் தோல்வியை தழுவியது. அடுத்ததாக செவ்வாய்கிழமை நெதர்லாந்து அணியை கட்டார் எதிர்கொள்கிறது.
எனினும் முதல் 2 போட்டிகளில் தோல்வியடைந்ததால் குரூப் ஏ பிரிவு புள்ளிப் பட்டியலில் கடைசி இடம் பிடித்த கட்டார் அணி, அடுத்த சுற்றுக்கு செல்லும் வாய்ப்பை இழந்ததுடன், உலகக் கிண்ணத் தொடரிலும் இருந்து வெளியேறி உள்ளது. இது கட்டார் ரசிகர்கள் மத்தியில் பெரும் சோகத்தை ஏற்படுத்தியுள்ளது.
