ஹம்பாந்தோட்டை துறைமுகத்திற்கு வந்த சீன கப்பல், தற்போது எங்கே?

ஹம்பாந்தோட்டை துறைமுகத்திற்குள் அனுமதியின்றி பிரவேசித்த கப்பல், இன்று காலை இலங்கை கடல் எல்லையை விட்டு வெளியேறியதாக இலங்கை கடற்படை தெரிவிக்கின்றது.

ஹம்பாந்தோட்டை துறைமுகத்திற்குள் நேற்று முன்தினம் இரவு MV BBC Naples என்ற கப்பல் பிரவேசித்துள்ளது.

இந்த கப்பலில் யுரேனியம் காணப்பட்டமை பின்னர், கண்டறியப்பட்ட நிலையில், கப்பலை வெளியேற்றுமாறு பல்வேறு தரப்பினரும் அழுத்தங்களை பிரயோகித்திருந்தனர்.

இயந்திர கோளாறு காரணமாக, ஹம்பாந்தோட்டை துறைமுகத்திற்குள் வருகைத் தந்த குறித்த கப்பலை, ஹம்பாந்தோட்டை துறைமுகத்திலிருந்து வெளியேற்ற அதிகாரிகள் நடவடிக்கை எடுத்திருந்தனர்.

இந்த நிலையில், குறித்த கப்பல் ஹம்பாந்தோட்டை துறைமுகத்தை விட்டு, நேற்றைய தினமே வெளியேறியுள்ளது.

எனினும், கப்பலின் இயந்திரத்தில் ஏற்பட்ட கோளாறு, இலங்கை கடற்பரப்பிற்கு வைத்து சரி செய்யப்பட்ட நிலையில், கப்பல் இன்று காலை இலங்கை கடற்பரப்பிலிருந்து வெளியேறியதாக கடற்படை ஊடகப் பேச்சாளர் இந்திக்க டி சில்வா தெரிவிக்கின்றார்.