கொரோனா சமூக பரவல் இதுவரை இல்லை - மினுவங்கொட தொழிற்சாலை தொற்றாளர்கள் மட்டுமே இதுவரை அடையாளம் காணப்பட்டுள்ளனர்

மினுவங்கொட கைத்தொழில்சாலையில் இனங்காணப்பட்ட கொரோனா கொத்தணியின் தொற்றாளர்களுடன் தொடர்பில் இருந்தவர்களை தவிர்த்து வேறு எவருக்கும் சமூகத்தில் இருந்து இதுவரையில் கொரோனா தொற்று உறுதி செய்யப்படவில்லை என இராணுவ தளபதி லெப்டினன் ஜெனரல் ஷவேந்திர சிலா தெரிவித்துள்ளார்.

இன்று காலை தனியார் தொலைக்காட்சி நிகழ்ச்சியில் கலந்து கொண்டு உரையாற்றும் போதே அவர் இவ்வாறு தெரிவித்துள்ளார்.

இதுவரையில் 1083 பேர் மினுவங்கொட கொத்தணியில் கொரோனா தொற்று உறுதியாக நிலையில் இனங்காணப்பட்டுள்ளதாக அவர் தெரிவித்துள்ளார்.

குறித்த தொற்றாளர்களுடன் தொடர்பில் இருப்பவர்களை தனிமைப்படுத்தலுக்கு உட்படுத்தும் நடவடிக்கைகள் முன்னெடுக்கப்பட்டு வருவதாக அவர் மேலும் தெரிவித்துள்ளார்.